Ակտիվիստ Արտակ Հարությունյանը ֆեյսբուքյան իր էջում գրել է. «Նորմալ չի, որ՝

ա) փողոց փակելու կարճաժամկետ ակցիաները կանխվում են հարյուրավոր բերման ենթարկվածներով,

բ) հանդուրժվում է, որ առավելագույնը մի քանի 100 հոգին օրեր, շաբաթներ շարունակ փակ է պահում քաղաքի կենտրոնական հանգույցը:

Հ. Գ. Տեղյակ եմ, որ ամեն օր մի քանի հազարանոց հավաքներ են լինում, բայց հանգույցը շուրջօրյա փակ պահողներն իրականում հարյուրներով էլ չեն, այլ՝ տասնյակներով։

 

Հ. Գ. 2. Ոստիկանության ու իշխանության այս գործունեության արդյունքում օրական անհարմարություն են կրում հարյուր հազարավոր քաղաքացիներ։

Հ. Գ.3. Այո՛, մեղադրանքս բացարձակապես իշխանությանն է ուղղված. կարգ հաստատելու պարտավորությունն իշխանությանն է»։

 

Oգտակա՞ր է արդյոք սուրճը

Սուրճն օգտակար է առողջության համար եւ հանգեցնում է արյան մեջ խոլեստերինի մակարդակի նվազեցման։ Նման եզրակացության են եկել Կանադայի ՄքՄասթերի համալսարանի գիտնականները, որոնց հետազոտության արդյունքները հրապարակվել են Nature Communications ամսագրում։

Ըստ գիտնականների՝ կոֆեինն ազդում է հատուկ PCSK9 սպիտակուցների վրա, որոնք օգնում են լյարդին արյան միջից հեռացնել ցածր խտության լիպոպրոտեինը, որը նաեւ կոչվում է վատ խոլեստերին։ Բացի այդ, գիտնականները պարզել են, որ այն օգնում է պաշտպանել օրգանիզմը սրտանոթային հիվանդություններից։ Բացի PCSK9-ի ակտիվությունը խթանելուց, կոֆեինը ազդում է նաեւ մեկ այլ սպիտակուցի՝ SREBP2-ի վրա, որն ուղղակիորեն կապված է խոլեստերինի մակարդակի հետ:

Մասնագետների կարծիքով՝ նրանց հայտնագործությունը կօգնի խոլեստերինի մակարդակը նվազեցնելու նոր մեթոդների հետագա մշակմանը։

Սաութհեմփթոնի եւ Էդինբուրգի համալսարանների գիտնականները եւս կարծում են, որ սուրճն օգտակար է օրգանիզմի համար, քանի որ այս ըմպելիքի
տագործումը նվազեցնում է լյարդի հիվանդության եւ մահվան