«Սեղանի շուրջ մեր զրույցը տևել է մոտ․․․»․ Ջհանգիրյանը սկանդալային գաղտնալսման մասին․ ՏԵՍԱՆՅՈՒԹ

Պարոն Վարդազարյանը խնդրել էր ԲԴԽ անդամներին, որ իմ նկատմամբ վարույթ հարուցեն, եթե ամբողջ ձայնագրությունը հրապարակի, ապա իր համար լուրջ հետևանքներ կլինեն։ Այս մասին այսօր Հանրային ՀԸ-ի եթերում ասաց ԲԴԽ նախագահի պաշտոնակատար Գագիկ Ջհանգիրյանը։

Պատասխանելով հարցին, թե ինչի մասին էին իր վրա ճնշումների վերաբերյալ արտահայտությունները՝ Ջհանգիրյանը նշեց. ՛՛Երբ ասել եմ՝ իմ վզին դրած ա, նկատի եմ ունեցել, որ դա իմ առաքելությունն է, իմ կոչումն է, ոչ թե ինչ-որ մեկն ինձ պարտադրել է։ Խոսքը դատաիրավական բարեփոխումների մասին է, դա իմ ճիտին պարտքն է, ստանձնել եմ կամավոր բարեփոխման ընթացքի կատարումը, ստանձնել եմ դեռ 1990 թվականից՛՛։

Ջհանգիրյանը խոսեց նաև ԲԴԽ արդեն նախկին նախագահ Ռուբեն Վարդազարյանի և իր զրույցի մասին,որի ձայնագրությունը հրապարակել էր Վարդազարյանը: Այս առնչությամբ նա, մասնավորապես, ասաց. ՛՛Սեղանի շուրջ մեր զրույցը տևել է երկուսուկես ժամ և ավելի, վստահ եմ՝ հենց սկզբից ձայնագրությունը կա, ուղղակի 14 րոպեն ծաղկաքաղ է արված։ Նստած են երեք տղամարդ, մենակ մեկը չի խոսում, բոլորն են խոսում, թվում է՝ մոնոլոգ եմ ասում, տպավորիչ բառերն էլ իրար հետևից ասում եմ։

 

Պարոն Վարդազարյանը դիմել էր իր նկատմամբ վարույթ հարուցած ԲԴԽ անդամներին և խնդրել էր, որ իմ նկատմամբ էլ վարույթ հարուցեն։ Այդ ընկերները խնդրել են տրամադրել ամբողջ ձայնագրությունը, որ մանրամասն ուսումնասիրեն, նա հրապարակային մերժել է։ Դա տեղի է ունեցել 1 տարի 2-3 ամիս առաջ, բավականին հետաքրքիր թեմաներ կան այնտեղ, որոնք բացարձակ ձեռնտու չեն Վարդազարյանին հանրայնացնելու համար։ Եթե ամբողջական ձայնագրությունը ներկայացնի, իր համար բավականին լուրջ հետևանքներ կարող է ունենալ՛՛։

Գագիկ Ջհանգիրյանն ասաց, որ ուզում է հայցել նաև մայրերի, կանանց, քույրերի, աղջիկների ներողամտությունը, որ հակառակ իր կամքի՝ այլ միջավայրում, տղամարդկանց շրջապատում, փակ միջավայրում արտահայտած որոշ անվայելուչ արտահայտություններ իր վրիպման արդյունքում հանրայնացվել են: ՛՛Զղջում եմ դրա համար՛՛,-ասաց ԲԴԽ նախագահի պաշտոնակատարը:

Ավելի վաղ հայտնել էինք, որ Ռուբեն Վարդազարյանը հրապարակել է իր և Ջհանգիրյանի հանդիպման սկանդալային գաղտնալսումը:

Մանրամասները՝ տեսանյութում.

(Visited 219 times, 1 visits today)