Նոյեմբերի 23-ին Երևանում կկայանա «Միսս Երևան» գեղեցկության մրցույթը: Կազմակերպիչների նպատակն է ամենամյա մրցույթով գտնել երևանցի գեղեցկուհի, որը կհանդիսանա մայրաքաղաքի խորհրդանիշը և ամողջ տարի կմասնակցի Երևանում կայանալիք բարեգործական, սոցիալական, նորաձևության, սպորտի և տուրիզմի բնագավառի ծրագրերին:

Բոլոր մասնակիցները ստանալու են «Երևանի սիրուն աղջիկ» տիտղոսը: Նրանք ևս մասնակցության հնարավորություն կունենան համայնքային, մշակութային և կոմերցիոն միջոցառումներին: Մրցույթը բաղկացած է 3 մասից և ցուցադրվելու է հեռուստատեսությամբ:

1-ին փուլ․ հավաքագրվում են մասնակիցների տվյալները

Հարցազրույցի միջոցով ընտրվում են մրցույթին համապատասխան չափորոշիչներով գեղեցկուհիներ:
Վարպետաց դասերի շնորհիվ բարելավվում են նրանց հմտությունները:

2-րդ փուլ՝ ԹԵԺ ՊԱՅՔԱՐ

Մասնակիցները բաժանվում են խմբերի և կատարում առաջադրանքներ: Ինտելեկտուալ, խոհարարական, սպորտային և հոգեբանական փորձությունները հաղթահարողները անցնում են հաջորդ փուլ:

3-րդ փուլ՝ ԴԵՖԻԼԵ

Աղջիկներն իրենց հմտությունները ցուցադրում են բեմում, և ժյուրին ընտրում է տարվա «ՄԻՍՍ ԵՐԵՎԱՆ» հաղթողին: Երեկոն ուղեկցվելու է շքեղ շոու-ծրագրով և հայտնի հյուրերի ինտերակտիվությամբ: Նշենք, որ գեղեցկության մրցույթի հաղթողը կստանա ավտոմեքենա: