Ռինոպլաստիկայի համար խորհրդատվության մասին նշումը գրաֆիկում, որը Սոֆի Դեւոյան կրտսերը հրապարակել էր Ինստագրամի իր «Սթորի»-ում, հետեւորդներին հուշել է, որ պարուհին պատրաստվում է վիրահատել քիթը: Եվ, իհարկե, այն դարձել է երեկ նրա կազմակերպած հարցուպատասխանի գլխավոր թեման:
«Այո, քիթիկս վիրահատելու ցանկություն ունեմ: Դեռ չեմ կողմնորոշվել, թե որ բժշկի մոտ. մի քանի տարբերակ ունեմ»,- պատմել է Սոֆին՝ խոստովանելով, որ շատ է վախենում: Պլաստիկ վիրահատության դիմելու պատճառը, ինչպես պարուհին է նշել, հետեւյալն է.«Ոսկրային խնդիր ունեմ եւ ուզում եմ մի փոքր ուղղել քիթս: Դեռ հստակ չեմ որոշել. ցանկությունս տատանվում է… չգիտեմ՝ արժե, թե ոչ»:
Հետեւորդներից մեկն էլ հետաքրքրվել է՝ երբ է Սոֆիի պլանավորում փոխել կարգավիճակը.«Սպասեք, ո՜ւֆ, այնքան խառն ենք. լիքը գործ կա անելու: Կամուսնանամ, էլի»,- պատասխանել է նա: