Գևորգ Պետրոսյանը, ով այսօր Ազգային Ժողով չէր ներկայացել՝ պատճառաբանելով վատառողջ լինելը, ֆեյսբուքյան իր էջում գրառում է կատարել և շարունակել է մեղադրանքներ ուղղելը.
՛՛Ժողովուրդ, ուշքի գալ է պետք:
Ակնհայտ է, որ այսօրվա քվեարկությունն արվեց ուղղորդված: Ազգային ժողովը հերթական անգամ ապացուցեց, որ Ազգային ժողովը կառավարության, իսկ ավելի ստույգ՝ վարչապետի կցորդն է:
Էսօր Ծառուկյանի ելույթը լսողը բարոյական իրավունք չուներ քվեարկել Ծառուկյանի դեմ, բայց ոմանց համար ի՞նչ նամուս, ինչ Հայրենիք, ինչ բան…՛՛:
Ավելի ուշ նա նաև կատարել էր հետևյալ գրառումը և կցել հետևյալ նկարը.
՛՛Հա, դե սա Փաշինյան Նիկոլին պետք էր մինչև դիրքավորվելը:
Մոռացել ա էս օրերը:
Ու էսօր Նիկոլ Փաշինյանն ապացուցեց, որ ինքը չի կարող փոխվել…
Երբ երկու տարի առաջ իր անձեռնմխելիության հարցն էր դրված, Ծառուկյանը (ամբողջ խմբակցությամբ) չմասնակցեց այդ արարողությանը ու կանխեց Նիկոլ Փաշինյանի կալանավորումը:
Դե Ծառուկյանը միշտ էլ առաջ է եղել Նիկոլ Փաշինյանից, հիմա ավելի վեր բարձրացավ…՛՛: