Թամարա Գեւորգյանը վերջերս ավտովթարի է ենթարկվել: Դերասանուհին արդեն 2 վիրահատություն է տարել, իսկ այսօր ֆեյսբուքյան իր էջում գրել է, որ պատրաստվում է հաջորդ վիրահատությանը: Լրագրողների զանգերին եւ հաղորդագրություններին դերասանուհին նախընտրել է պատասխանել սոցցանցային գրառմամբ:
«Շնորհակալ եմ առողջականիս մասին հետաքրքրվող լրագրողներին, բայց հարցազրույցներ տալու ցանկություն իսկապես չունեմ: Պարզապես կասեմ, որ վաղը երրորդ վիրահատությունս կկատարվի, եւ հույս ունեմ, որ ամեն բան հաջող ավարտ կունենա ու ժամանակի ընթացքում կրկին կքայլեմ: Շատ պլաններ կային, որոնք կիրականացնեմ թեկուզ անվասայլակով»,-գրել է նա:
Դերասանուհին չի մոռացել նաեւ շնորհակալություն հայտնել. «Շնորհակալ եմ ինձ սիրող ու լավը կամեցող բոլոր ծանոթ-անծանոթներին: Շնորհակալ եմ նաեւ այն մարդկանց, որոնք նույնիսկ մարդու դժվար պահին չեն կարողանում իրենց չարությունը թաքցնել եւ հրապարակավ վատ մեկնաբանություններ են թողնում: Դուք այս ընթացքում ինձ շատ օգնեցիք։ Հասկացա, որ ոտքս փրկել հնարավոր է, իսկ շատերի չարացած հոգիները՝ ոչ։ Մի բան կասեմ միայն՝ թող Աստված բոլորիդ առողջ պահի»:
Թամարա Գեւորգյանին շուտափույթ ապաքինում ենք մաղթում: