ԱԺ պատգամավոր Արման Բաբաջանյանը ֆեյսբուքյան իր էջում գրել է. «Առաջարկում եմ, որ հավաքագրված, այլ պետության գործակալ դավաճանին ՀՀ վարչապետի պաշտոնում տեսնել ցանկացող պսևդոքաղաքական, քրեական և քվազիֆեոդալական ուժերը հիշեն իրենց միասնական կոալիցիոն անցյալը, հոկտեմբերի 27-ին պետության գլխատման և դրան հաջորդած քսանամյա բռնապետական տարիների և Մարտի 1-ին թափված արյան հավաքական պատասխանատվությունը ու թող հանկարծ որևէ ազգադավի մտքով չանցնի, թե Հայաստանը որբի գլուխ ա:

Հրով լինի, սրով լինի, կյանքով լինի պաշտպանելու ենք երկիրը ձեզնից ու ձեր տմարդի ու անհայրենիք տեսակից»:

Մեկ այլ գրառմամբ պատգամավորը գրել է. «Որ իշխանությունն իր իշխանավարման երկու տարիներին բազմաթիվ անթույլատրելի բացթողումներ է թույլ տվել, շատ դեպքերում հանցավոր անգործություն և դանդաղկոտություն, ոչ մի արդարացում չունեցող անփորձության պատճառով բազմաթիվ հեղափոխական խոստումներ ու կարևոր բարեփոխումներ է ուշացրել, անժխտելի ճշմարտություն է:

Բայց տղերք, դուք ձեզ կողքից տեսե՞լ եք

Ձեզ տեսել ենք իշխանության մեջ, վերստին տեսնում ենք ընդդիմության դերում: Դուք անուղղելի եք: Ամբողջանալու համար ձեզ Սերժն ու Արթուր Բաղդասարյանն են պակասում:

Լրջացե՛ք:

Հետայսու Հայաստանը և հավաքական հայ ժողովուրդը պիտի ձգտի ավելի լավ, առավել պրոֆեսիոնալ, հմուտ, փորձառու իշխանություն և այդ իշխանությունից ավելի լավ ու հույս արթնացնող ընդդիմություն ունենալ:

Հայաստանը չի համակերպվի ձեզ հետ, Հայաստանը վաղուց մերժել է ձեզ»: