ՀՀ զինված ուժերը հերթական անգամ ապացուցում են, որ մեզ հետ չի կարելի խոսել ուժի դիրքերից. Նիկոլ Փաշինյան
Վարչապետ Նիկոլ Փաշինյանը հանդիպում է ունեցել Պաշտպանության նախարարության և Զինված ուժերի ղեկավար կազմի հետ՝ նախարար Դավիթ Տոնոյանի և ԶՈՒ գլխավոր շտաբի պետ, գեներալ-լեյտենանտ Օնիկ Գասպարյանի գլխավորությամբ:
ՀՀ ԶՈՒ բարձրագույն սպայակազմը վարչապետին է ներկայացրել հայ-ադրբեջանական սահմանագոտում՝ Տավուշի ուղղությամբ, վերջին երկու օրերին հակառակորդի կողմից սանձազերծված ռազմական գործողությունների հետևանքով ստեղծված օպերատիվ իրավիճակը, հակառակորդի գործողությունները զսպելու ուղղությամբ հայկական զինուժի կողմից իրականացվող պատժիչ քայլերը:
Ընդգծվել է, որ իրավիճակը գտնվում է ՀՀ զինված ուժերի լիարժեք վերահսկողության ներքո:
Ընդամենը 4 տարի առաջ՝ Ապրիլյան պատերազմի առաջին իսկ օրերից աշխարհի տարբեր ծայրերից, Հայաստանի տարբեր անկյուներից հայ ժողովուրդը սկսեց բանակին աջակցության միջոցներ հավաքագրել…
Ժողովուրդն ինքնակամ փորձում էր օգնել սահմանին կանգնած զինվորին, փորձում էր օգնել ինչով կարող էր, սննդով, հագուստով, խնամքի պարգաներով, տեսադիտարկման սաքերով, դեղորայքով, մեքենաներով
Այսօր արդեն իսկ 3-րդ oրն է, երբ Տավուշի սահմանին մարտական գործողությունները շարունակվում են, ու Աստված գիտի, թե դեռ ինչքան կշարունակվեն
ՀՀ քաղաքացին ու աշխարհասփյուռ հայերը մի հարցում վստահ են, որ պետությունն ամեն բան անում է, որ սահմանին հայրենիքի համար կռիվ տվող զինվորը բանի պակաս չունենա
Այն, որ այսօր սահմանին մարտական գործողություններին չի մասնակցում ոչ մի պարտադիր ժամկետային զինծառայող, այն որ Հեղափոխությունից հետո ամեն բան արվել է զինվորի սննդի որակն ու քանակը լավացնելու, զինվորի պատշաճ համազգեստի հարցը լուծելու, բանակը նոր ռազմատեխնիկայով համալրելու ու սպառազինությունն ավելացնելոու, դա միանշանակ է, և դա գիտեն բոլորը
Այն, որ հայկական Զինված Ուժերը հակառակորդի նկատմամբ արդեն իսկ տարածքային առավելություն ունեն ու մարտական գործողությունների արդյունքում հայկական կողմի մարդկային կորուստներն ու վիրավորներն ավելի քիչ են, դա միանշանակ է, և դրա մասին անգամ հակառակորդն է բարձրաձայնում
Սա Հայաստանում տեղի ունեցած Հեղափոխության ամենամեծ ձեռքբերումներից մեկն է, բայց սա ընդամենը դեռ ծաղիկներն են, պտուղները դեռ քաղելու ենք ու ճաշակենք…