Դերասաններ ովքեր գերել են կանանց սրտերը

Մինչ որոշ դերասանների համար հաջողված դերակատարումը դառնում է փառքին հասնելու համար կատարված առաջին քայլ, ուրիշների համար, ցավոք, այն դառնում է միանգամից անկում ապրելու պատճառ։ Որոշ դերասաններ ընդմիշտ մնում են իրենց հերոսի ամպլուայի մեջ և ժամանակի ընթացքում զրկվում են նախկին փառքից։  Նրանք կարող են շարունակել ֆիլմերրում նկարահանվելը, սակայն միլիոնավոր երկրպագուների մոտ նրանք շարունակվում են ասոցացվել այն կերպարների հետ՝ ում  շնորհիվ դարձել են հայտնի։

Ջեյմի Դորնան

4 տարի առաջ յուրաքանչյուր աղջիկ երազում էր հանդիպել իր Քրիստիան Գրեյին՝ հայտնի «Մոխրագույնի 50 երանգները» ֆիլմի գլխավոր հերոսին։ Ջեյմի Դորնանը թեև շարունակում է նկարահանվել ֆիլմերում, սակայն երբեմնի փառքին հասնել դեռևս չի ստացվում։ Չնայած այս ամենին դերասանը երջանիկ ընտանիք ունի և դաստիարակում է իր 3 երեխաներին։

Թիմ Ռոբինս

Թիմ Ռոբինսը հայտնի է դարձել «Փախուստ Շոուշենկից» ֆիլմի շնորհիվ։ Այս ֆիլմը IMDb վարկածով աշխարհի լավագույն ֆիլմերից մեկն է համարվում։ Դերասանը մինչև հիմա շարունակում է նկարահանվել ֆիլմերում, սակայն հիմա նրան այդքան լուրջ դերեր չեն վստահում։ Նա հոլիվուդի «Փառքի արահետում» աստղ ունի և հակագլոբալիզացման կողմնակիցներից է։

Մարկ Հեմիլ

Լյուկ Սքայուոկերն այն կերպարներից է՝ ով կինոյի պատմության մեջ է մտել։ Նրա դերակատարը Մարկ Հեմիլն է և այդ դերը նրան շատ հայտնի է դարձրել։ Դերասանի մոտ այլ ֆիլմերում նկարահանվելու դժվարությունները սկսվեցին «Աստղային պատերազմներ» ֆիլմին ցուցադրությունից հետո, քանի որ և՛ հեռուստադիտողները, և՛ ռեժիսորները նրան միայն Սքայուոկերի կերպարում էին պատկերացնում։ Ներկայումս Հեմիլն ապրում է Մալիբույում և ունի 3 երեխա։

Չեյնինգ Տատում

Չեյնինգ Տատումը նկարահանվել է այնպիսի հայտնի ֆիլմերում ինչպիսիք են «Քայլ առաջ», «Թանկագին Ջոն» և այլն։ Ներկայումս դերասանին նշանակալի դերեր շատ հազվադեպ են վստահում, իսկ Տատումի նախկին փառքը վաղուց անցել է։

Ջենսեն Էկլս

2000-ականների սկզբին Ջենսեն Էկլսը գերեց «Գերբնական» սերիալի բոլոր երկրպագուհիների սրտերը։ Ներկայումս երկրպագուները նրան նախկին ուշադրությամբ չեն հետևում, իսկ այս ամիս դուրս է գալիս սերիալի վերջին՝ 15-րդ եթերաշրջանը, որից հետո դերասանը պատրաստվում է դադար վերցնել։ Ամերիկյան ֆոտոմոդել և մարմնամարզիկ Դենիլ Հարիսի հետ միասին նա դաստիարակում է իր 3 երեխաներին։

Շայա Լաբաֆ

«Տրանսֆորմերների» գլխավոր հերոս Շայա Լաբաֆի սկանդալային վարքը և տարբեր կախվածությունները վերջ դրեցին նրա հոլիվուդյան կարիերային։ Ներկայումս նրան գրեթե չեն նկարահանում մեծ բյուջե ունեցող ֆիլմերում, իսկ անձամբ իրեն էլ մամուլում առաջին հերթին հիշում են շնորհիվ իր տարօրինակ արարքների։ Այսպես, 2014 թվականին «Նիմֆոմանուհի» ֆիլմի ցուցադրության ժամանակ նա եկել էր գլին դրված տոպրակով, որի վրա գրված էր՝ «Ես այլևս աստղ չեմ»։

Էշթոն Կուտչեր

Երբեմնի հայտնի դերասան Էշթոն Կուտչերը մեծ կինոյից փաստացի հեռացավ 2013 թվականին, երբ էկրաններին հայտնվեց «Ջոբս․ գայթակղությունների կայսրություն» ֆիլմը, որտեղ նա գլխավոր դերակատարն էր։ Ֆիլմը ցածր վարկանիշ գրանցեց, իսկ դերասանին այլևս լուրջ դերեր չառաջարկեցին։ Նա ամուսնացած է դերասանուհի Միլա Կունիսի հետ։ Նրանք ունեն 2 երեխա։

(Visited 44 times, 1 visits today)