հուլիսի 28-ին, Արագածոտնի մարզի Օշական գյուղի Սուրբ Մեսրոպ Մաշտոց եկեղեցում տեղի ունեցավ սիրված ու ճանաչված հասարակական գործիչ, իսկական հայ Մամիկոն Խուրշուդյանի և նրա տիկնոջ՝ գեղեցկուհի Աննայի պսակադրությունը:  Ինչպես հայտնում է ֆոտոլրագրող Գագիկ Շամշյանը, պսակադրությունից հետո գեղեցիկ զույգը եկեղեցում մոմ վառեց ոչ միայն իրենց միասնության, այլև Հայաստանի և Արցախի սահմանների անվտանգության, սահմանն անառիկ պահող  զինվորների, սպաների, ինչպես նաև սահմանամերձ բնակավայրերում ապրող և իրենց հողն ու ջուրը պահող բնակիչների համար: Իսկական հողի ու զինվորի արժեքն իմացող գեղեցիկ զույգը եկեղեցում նաև Տերունական աղոթք ուղղեց  սահմանում կանգնած հայ զինվորի և բուժվող զինվորների առողջության համար: Գեղեցիկ նորապսակներին միացան նաև ներկա գտնվողները: