Ձերբակալվել է ուկրաինացի ընդդիմադիր պատգամավոր Վիկտոր Մեդվեդչուկը։
Ձերբակալման մասին հայտարարել է Ուկրաինայի նախագահ Վլադիմիր Զելենսկին։
Այս մասին գրում է РБК-Украина-ն՝ հղում անելով Զելենսկու Instagram-ի էջին։
«Հատուկ գործողությունն իրականացվել է Ուկրաինայի Անվտանգության ծառայության շնորհիվ։ Բրավո՜։ Մանրամասները՝ ավելի ուշ»,- գրում է Ուկրաինայի նախագահը։
Նշենք, որ Մեդվեդչուկը ՌԴ նախագահ Վլադիմիր Պուտինի կնքահայրն է:
Օգտակա՞ր է արդյոք սուրճը
Սուրճն օգտակար է առողջության համար եւ հանգեցնում է արյան մեջ խոլեստերինի մակարդակի նվազեցման։ Նման եզրակացության են եկել Կանադայի ՄքՄասթերի համալսարանի գիտնականները, որոնց հետազոտության արդյունքները հրապարակվել են Nature Communications ամսագրում։
Ըստ գիտնականների՝ կոֆեինն ազդում է հատուկ PCSK9 սպիտակուցների վրա, որոնք օգնում են լյարդին արյան միջից հեռացնել ցածր խտության լիպոպրոտեինը, որը նաեւ կոչվում է վատ խոլեստերին։ Բացի այդ, գիտնականները պարզել են, որ այն օգնում է պաշտպանել օրգանիզմը սրտանոթային հիվանդություններից։ Բացի PCSK9-ի ակտիվությունը խթանելուց, կոֆեինը ազդում է նաեւ մեկ այլ սպիտակուցի՝ SREBP2-ի վրա, որն ուղղակիորեն կապված է խոլեստերինի մակարդակի հետ:
Մասնագետների կարծիքով՝ նրանց հայտնագործությունը կօգնի խոլեստերինի մակարդակը նվազեցնելու նոր մեթոդների հետագա մշակմանը։
Սաութհեմփթոնի եւ Էդինբուրգի համալսարանների գիտնականները եւս կարծում են, որ սուրճն օգտակար է օրգանիզմի համար, քանի որ այս ըմպելիքի օգտագործումը նվազեցնում է լյարդի հիվանդության եւ մահվան