Որոտանի գյուղապետի բնակարանից հայտնաբերվել է զենք-զինամթերք․ նա ձերբակալվել է

Որոտանի գյուղապետի բնակարանից հայտնաբերվել է զենք-զինամթերք․ նա ձերբակալվել է
(լուսանկարներ)

021թ. հուլիսի 9-ին խուզարկություններ են կատարվել Որոտանի գյուղապետի աշխատասենյակում և բնակարանում, որի ընթացքում բնակարանից հայտնաբերվել են զենք-զինամթերք, որոնց ձեռքբերման և պահելու օրինականությունը ստուգվում է

Նյութերի նախապատրաստման համար հիմք է հանդիսացել 2021թ.–ի հունիսի 10-ին aravot.am կայքում հրապարակված հոդվածը։

Возможно, это изображение (в помещении)Ավելի ուշ արդեն պարզվել է, որ Օհանջանյանը համայնքի բյուջեից 6.130.000 դրամ է վատնել` այդ գումարը տրամադրելով սոցիալապես անապահով չհամարվող 115 գյուղաբնակների` որպես դրամական աջակցություն։ Պարզվել է նաև, որ Օհանջանյանը խորհրդարանական ընտրություններին ընդառաջ գյուղի բնակիչների հետ կազմակերպել է հանդիպումներ, որոնց ներկա է եղել նաև Գորիսի քաղաքապետ Առուշ Առուշանյանը, ով գյուղացիներին սոցիալական օգնություն ստանալու համար առաջարկել է դիմումներ գրել: Հունիսի 9-ին Որոտան գյուղի 31 բնակիչների դիմումները բավարվել են։ Նրանց տրամադրվել են տարբեր չափի գումարներ: Քննությունը պարզել է, որ այդ դիմումատուների մեծ մասը Սուրեն Օհանջանյանի ընտանիքի անդամների ու հարազատների անուններով են:

Այս փաստով արդեն հունիսի 22-ին հարուցվել է քրեական գործ` ՀՀ քրեական օրենսգրքի 179-րդ հոդվածի 3-րդ մասի 1-ին կետի հատկանիշներով (յուրացում կամ վատնում):

Нет описания фото.Դատախազությունը հայտնում է, որ նախաքննության ընթացքում տվյալներ են ձեռք բերվել նաև, որ Օհանջանյանը որոշ քաղաքացիների ասել է, որ սոցիալական աջակցություն ստանալու դիմաց պետք է մասնակցեն արտահերթ խորհրդարանական ընտրություններին և քվեարկեն «Հայաստան» դաշինքի օգտին: Քանի որ այս արարքն արդեն առերևույթ պարունակում էր ընտրակաշառք ստանալու և տալու հատկանիշներ՝ հարուցվել է նոր քրեական գործ` ՀՀ ՔԿ-ում ՀՀ քրեական օրենսգրքի 154.2. հոդվածով (ընտրողներին կաշառք տալը, կաշառք ստանալը, ընտրությունների ժամանակ բարեգործության արգելքի խախտումը կամ ընտրողի ազատ կամքի իրականացմանը խոչընդոտելը):

Հարուցված երկու քրեական գործերով նախաքննությունը հանձնարարվել է ՀՀ Հատուկ քննչական ծառայությանը։

2021թ. հուլիսի 9-ին Որոտանի գյուղապետի աշխատասենյակում և բնակարանում խուզարկություններ են կատարվել, որի ընթացքում բնակարանից հայտնաբերվել են զենք, զինամթերք, որոնց ձեռքբերման և պահելու օրինականությունը ստուգվում է:

Այսօր առավոտյան Սուրեն Օհանջանյանը հայտնել էր, որ իրավապահները խուզարկում են իր տունը։ Ավելի ուշ հայտնի դարձավ, որ դրանից հետո  նրան ձերբակալել են

Հիշեցնենք` ԱԱԾ աշխատակիցները երեկ խուզարկություն էին իրականացրելՔաջարանի համայնքապետի բնակարանում, Զանգեզուրի պղնձամոլիբդենային կոմբինատում, ձերբակալել կոմբինատի աշխատակիցներից մեկին։

Որոտանի գյուղապետը ձերբակալվել է՝ ՀՀ քրեական օրենսգրքի 154-րդ հոդվածի 2-րդ մասով նախատեսված հանցագործություն կատարելու կասկածանքով:

(Visited 26 times, 1 visits today)