Մանվել Գրիգորյանի առողջական վիճակը կտրուկ վատթարացել է, բժիշկները հարկադրված «Մորֆին» տեսակի դեղամիջոց են ներարկել

ԱԺ նախկին պատգամավոր, ԵԿՄ նախկին նախագահ Մանվել Գրիգորյանը խափանման միջոցի փոփոխությունից հետո՝ ուրբաթ երեկոյան հիվանդանոցից տուն է գնացել, մեկ օր անց կրկին տեղափոխվել հիվանդանոց՝ վերակենդանացման բաժանմունք: Այս մասին Tert.am-ի հետ զրույցում ասաց Գրիգորյանի պաշտպաններից Լևոն Բաղդասարյանը: «Գրիգորյանի վիճակը կայուն ծանր է: Տևական ժամանակ, ստացիոնար բուժում ստանալուց հետո, վիճակը ոչ միայն չի կայունանում, այլև նոր հիվանդություններ են ավելանում: Ինչպես փաստում են իրեն բուժող բժիշկները՝ այս պահին երկրորդային հիվանդություններն ավելի մեծ վտանգ են սպառնում, քան բուն հիվանդությունները՝ շաքարային դիաբետն ու թոքի քաղցկեղը»,-մանրամասնեց փաստաբանը՝ նշելով նաև, թե վիճակն այնքան վատ է եղել, որ անգամ «Մորֆին» տեսակի դեղամիջոց են ներարկել: Հիշեցնենք, որ factor.am կայքին Գրիգորյանի առողջության վերաբերյալ պատասխանել էր «Նաիրի» ԲԿ-ի տնօրեն Անատոլի Գնունին և հայտնել. «Մանվել Գրիգորյանը գրավոր հրաժարվեց բժշկական ծառայություններից, մենք իրեն բացատրեցինք հնարավոր բոլոր բարդությունները։ Ինքը գնաց տուն և մեր նախազգուշացումներն իրականացան, քանի որ շատ վատացած վիճակում հետ եկավ, ընդունվեց վերակենդանացման բաժանմունք։ Մեկ օր այնտեղ մնալուց հետո տեղափոխվեց պալատ, հիմա վիճակը կայուն է»

(Visited 10 times, 1 visits today)