Աշխարհի հայերը օգնում են հայերին. Սամվել Կարապետյանը գումարային մեծ օգնություն կտրամադրի

Սամվել Կարապետյանի նախաձեռնությամբ «Տաշիր» բարեգործական հիմնադրամը 200 հազար ԱՄՆ դոլար կհատկացնի Բեյրութի Սուրբ Գևորգ հայկական եկեղեցին վերականգնելու համար, որը վնասվել է օգոստոսի 4-ի պայթյունից: Հասցեական օգնություն կտրամադրվի նաև զոհված հայերի ընտանիքներին, որոնցից յուրաքանչյուրին կհատկացվի 10 հազար ԱՄՆ դոլար:

«Մենք մեր խորին ցավակցությունն ու զորակցության խոսքերն ենք հայտնում բոլոր նրանց, ովքեր տուժել են Բեյրութի սարսափելի իրադարձությունից: Սգում ենք զոհերի համար և մաղթում արագ ապաքինում այս ողբերգությունից բոլոր տուժածներին », – նշում են «Տաշիր» հիմնադրամում:

Ուժեղ պայթյուն է որոտացել Լիբանանի մայրաքաղաք Բեյրութում: BBC-ի փոխանցմամբ` պայթյունը տեղի է ունեցել քաղաքի նավահանգստի տարածքում։ Կան 100-ից ավել զոհեր, 4000-ից ավել վիրավորներ: Մահացած հայերի թիվը ցավոք հասել է 11-ի:

(Visited 24 times, 1 visits today)