Վարդան Հովսեփյանն իր 38-ամյակի օրը մկրտել է որդուն (Լուսանկարներ)

Վարդան Հովսեփյանն իր 38-ամյակի օրը կազմակերպել է առաջնեկի՝ Մաքսի մկրտության արարողությունը «Իրականում սպասում էինք՝ մեր երկրորդ բալիկը ծնվի, նոր կնքեինք երեխաներին, բայց քանի որ ընկերս՝ Հարութը, գալու էր Միացյալ Նահանգներից, առաջարկեց իր՝ այստեղ գտնվելու ընթացքում կնքել, իսկ այս ամսվա մեջ ամենահարմար օրը 17-ն էր»,-պատմել է

Վարդանը եւ ավելացրել, որ  Հարություն եւ Երանուհի Բոգարյանները դարձել են իրենց ընտանիքի կարեւոր մարդկանցից.«Թող Աստված պահապան լինի մեր բարեկամությանը»: Վարդանը նշել է, որ մինչ մկրտությունը ինքն ու կինը, նաեւ տատիկ-պապիկները խոսել են Մաքսի հետ.«Ասել էինք, որ խելացի տղա է եւ այդ օրն իր կյանքի կարեւոր օրերից մեկն է. դառնալու է իսկական քրիստոնյա: Իսկ երբ հագուստը տեսավ, ասաց. «Հիմա ես թագավո՞ր եմ»:): Իրեն շատ խելոք պահեց եւ խելացի բալիկի նման հետեւում էր երկու քահանաների անցկացրած արարողակարգին»

Օգոստոսի վերջին լույս աշխարհ կգա դերասանի երկրորդ որդին: Ասում է՝ դեռ չեն որոշել փոքրիկի անունը.«Մաքսը, դե, որոշել է անունն «ապերիկ» դնել:)»:

(Visited 69 times, 1 visits today)