Մատնաքաշը հայկական ամենասիրված ու տարածված ավանդական հացերից է։ Այն շատ հեշտությամբ կարելի է պատրաստել նաև տնային պայմաններում։
Մատնաքաշ պատրաստելու համար անհրաժեշտ են՝
այլուր – 600 գ
աղ – 1-1,5 թ․ գ
խմորիչ – 2/3 թ․ գ
ջուր – 1-1,5 բաժակ։
Մատնաքաշ պատրաստելու եղանակն է․
մաղած այլուրը լցնել թասի մեջ և կենտրոնում փոսիկ անել։ Փոսիկի մեջ լցնել աղն ու խմորիչը և, քիչ-քիչ ավելացնելով գոլ ջուրը, հունցել փափուկ խմոր։
Խմորը դնել տաք տեղ և թողնել 1,5-2 ժամ, որ հասունանա։ Խմորի հասունանալու ընթացքում 1-2 անգամ խմորը թեթևակի հունցել։
Արդեն հասունացած խմորը բաժանել 2 մասի, գնդեր պատրաստել և թողնել ևս 10 րոպե։
Գնդերը դնել ջեռոցի՝ նախապես յուղած կամ յուղաթուղթ փռած տապակի կենտրոնում և, գունդը ձեռքերով ձգելով, դարձնել ձվաձև՝ 2-3 սմ հաստությամբ (եզրերում խմորը մի քիչ ավելի հաստ թողնել)։ Այնուհետև մատներով նախշազարդել երեսը։ Թողնել ևս 10-15 րոպե։
Մատնաքաշների երեսին թեթևակի ջուր ցողել (կարելի է նաև ջրին մի քիչ ալյուր խառնել) և թխել նախօրոք 220-240˚C տաքացված ջեռոցում 10-15 րոպե՝ մինչև վարդագունելը։
Տաք հացերին փայլ հաղորդելու նպատակով մակերեսը թեթևակի խոնավացնել, ապա դնել ցանցի վրա, որ հովանա։