Ոճաբան, հաղորդավարուհի Մադոննա Հարությունյանն Ինստագրամում իր հետեւորդներին չի թողնում ձանձրանալ՝ պարբերաբար լուսանկարներ եւ տեսանյութեր հրապարակելով ամենատարբեր նկարահանումներից: Նրա ամենաթարմ գրառումներից մեկը վերաբերում է ինքնազարգացմանը՝ որպես շարունակական գործընթաց:«Ինձ համար «դառնալն» ինչ-որ բանի հասնելը չէ, ոչ էլ ինչ-որ նպատակ իրագործելը: Այն ինձ համար մշտական ընթացք է զարգանալու եւ շարունակ կատարելագործվելու հնարավորություն: Ճամփորդությունը երբեք չի ավարտվում: Ես մայր եմ դարձել, բայց դեռ շատ բան ունեմ սովորելու եւ իմ աղջկան տալու»,- ստորեւ ներկայացված լուսանկարին կից գրել է նա: