Արգիշտի Քյարամյանը նշանակվեց Քննչական կոմիտեի նախագահ

Արգիշտի Քյարամյանը նշանակվեց Քննչական կոմիտեի նախագահԿառավարության որոշմամբ՝ Արգիշտի Քյարամյանը նշանակվել է Հայաստանի Հանրապետության քննչական կոմիտեի նախագահ:

«Ղեկավարվելով «Հայաստանի Հանրապետության քննչական կոմիտեի մասին» օրենքի 20-րդ հոդվածի 1-ին մասով՝ Հայաստանի Հանրապետության կառավարությունը որոշում է

1. Արգիշտի Քյարամյանին նշանակել Հայաստանի Հանրապետության քննչական կոմիտեի նախագահ»
Կառավարության մեկ այլ որոշմամբ Հայկ Գրիգորյանն ազատվել է ՀՀ ՔԿ նախագահի պաշտոնից:

«Ղեկավարվելով «Հայաստանի Հանրապետության քննչական կոմիտեի մասին» օրենքի 20-րդ հոդվածի 5-րդ մասով, 22-րդ հոդվածի 1-ին մասի 2-րդ ենթակետով` Հայաստանի Հանրապետության կառավարությունը որոշում է

1. Հայկ Գրիգորյանին ազատել Հայաստանի Հանրապետության քննչական կոմիտեի նախագահի պաշտոնից»

Հիշեցնենք՝ Արգիշտի Քյարամյանը 2020 թ. դեկտեմբերի 24-ից զբաղեցնում էր Քննչական կոմիտեի նախագահի տեղակալի պաշտոնը, նախկինում զբաղեցրել է Պետական վերահսկողական ծառայության պետի, նաև՝ Ազգային անվտանգության ծառայության տնօրենի պաշտոնները:

(Visited 36 times, 1 visits today)