Ալբերտ Արտակի Հովհաննիսյան

ՀՀ զինված ուժերի կրտսեր սերժանտ

Ծնվել է 2001 թվականի սեպտեմբերի 15-ին Երևան քաղաքում։ 2006-2012 թթ․ հաճախել է Արաբկիր մարզադպրոց և զբաղվել դուքենդո կարատեով։ Արժանացել է սև ու կարմիր գոտիների։ 2007-2012 թթ․ սովորել է Երևանի Հակոբ Պարոնյանի անվան թիվ 59 հիմնական դպրոցում, 2012-2015 թթ․ ՝ «Քվանտ» վարժարանում։ 2015-2016 թթ․ սովորել է Լև Տոլստոյի անվան թիվ 128 դպրոցում, իսկ 2016-2018 թթ․-ին ՝ Հերացու անվան ավագ դպրոցում։ 2018 թ․-ին ավագ դպրոցին զուգահեռ սովորել է Հայ-Ռուսական համալսարանի նախապատրաստական կուրսում, 2019 թ․-ին ընդունվել նույն համալսարան՝ «Քաղաքագիտություն» մասնագիտությամբ:

2020 թ․-ի հունվարի 13-ից ծառայության է անցել հայկական բանակում։

Արժանացել է երկու շքանշանի` ՊՆ հրետանու 3-րդ դասային կարգի մասնագետի և հրետանավորի ։ Զոհվել է Արցախյան երկրորդ պատերազմի ժամանակ՝ 2020թ․ հոկտեմբերի 8-ին ։

Նույն օրը Արցախի նախագահ Արայիկ Հարությունյանի կողմից հետմահու պարգևատրվել է «Արիության համար» մեդալով։

Այսօր հերոսի մահվան տարելիցն է։ Դու միշտ կմնաս մեր հուշերում, քաջարի՛ հերոս…