ՀՀ Ազգային ժողովն այսօր երկրորդ ընթերցմամբ եւ ամբողջությամբ ընդունել է «ՀՀ հարկային օրենսգրքում փոփոխություններ եւ լրացումներ կատարելու մասին» օրենքի նախագիծը, որով առաջարկվում է ավելի քան 56 մլրդ դրամ ավելացված արժեքի հարկի դեբետային մնացորդները վերադարձնել տնտեսավարողներին:

Նախագծին կողմ է քվեարկել 92 պատգամավոր։

Օրինագծով առաջարկվում է նաեւ ԱԱՀ-ի վերադարձման նորմը կիրառել ԱԱՀ-ի բոլոր դեբետային գումարների վրա՝ հնի եւ նորի տարանջատում չդնելով:

Մինչեւ տարեվերջ 2571 տնտեսավարողի կվերադարձվի ընդհանուր 56 մլրդ դրամի դեբետային մնացորդ։